Tekstong Prosijural

Tekstong Prosidyural

 

             

 Hindi madali ang pagpapatayo ng isang bagong tahanan sa panahon ngayon. Upang malampasan ang maraming problema sa panahon ng proseso, gawing gabay itong limang hakbang. Sa simula hanggang sad ulo ng pagplaplano, siguraduhing magtanong at bigyang linaw ang ibang tao na dadaan sa kapareho mong proseso.

1  - Pagpopondo

 

 Unang hakbang na dapat gawin ng isang tao na nais magpatayo ng bahay ay ang pagpopondo. Planuhin ang badyet na kailangan sa gagawing bahay. Bigyang tuon ang kakailanganin mo sa laki ng gastusin at maglaan ng isang pautang sa konstruksiyon at mortgage. Matutulungan ka nito sa paraan na baguhin ang iyong mga plano sa pagpapatayo upang mabigyang pansin ang nararapat na badyet. Humanap ng maasahang tagapayo sa pinansiyal upang hindi mabigla sa mga gastusin dahil sa proseso ng pagpapatayo ng bahay ay mayroong mga nakatagong gastusin na hindi malinaw sa isang pangkaraniwan na tao. 

 

2  - Paghahanap ng Lote

 

 Ikalawang hakbang ay ang paghahanap ng lote o pagpili ng lote, na kung saan kinakailangan na makipag-usap sa isang Realtors upang makakuha ng magiging gastos para sa lupa. Asahan na 20 hanggang 25 porsiyento ng bagong bahay na ipapatayo ay patungo sa lupain. Sa pagpapatayo ng bahay, isipin muna ng lote bago ang ibang detalye gaya ng sahig. Alamin ang mga kundisyon, pagpapatuyo, zoning at mga code na pwedeng sumagabal sa gusali ng lokasyon ng lote. 

 

3  - Pagpili ng Disenyo

 

 Ikatlong hakbang ay ang hakbang na kung saan magiging teknikal ang may ari sa pagpili. Sa hakbang na ito nakalaan ang magiging kagandahan at kaayusan ng bahay. Maraming tahanan nag nabuo gamit ang mga plano mula sa iba’t-ibang propesyunal. Bilang may ari ng ipapatayo na bahay, ugaliin na kumuha ng ideya at opinion mula sa maraming katalogo na magagammit. Piliin mo ang isang stock o isang pasadyang disenyo, sa paraan na ito nagiging matalino sa pagpiling isang plano ang isang indibidwal kung saan matugunan din ang mga gusto at pangangailangan para sa mga panahon pang dadating.  

 

4  - Bumuo ng Grupo

 

 Ang ikaapat na hakbang ay ang hakbang na kung saan ang may ari ng bahay ay bubuo ng igrupo ng eksperto sa mga disenyo upang magampanan ang kanyang kagustuha. Kabilang na dito ang mga tagabuo, excavator, taga-disenyo o arkitekto, inhinyerong sibil at isang taga survey. Kumuha din ng kontratista upang mabigyan ng isang magandang grupo. Sa huli, ikaw parin bilang may ari ng bahay ang masusunod sa iyong gusto. Ang mga eksperto lamang ay nandiyan upang magbigay ng gabay sa iyong tatahakin na proseso ng pagpapagawa.

 

5  - Makipagsundo ng isang Kontrata

 

 Huli at ikalimang hakbang ay ang pakikipagsundo sa isang nakasulat na kontrata na na lagdaan at napetsahan ng parehong tkontratista at arkitekto. Ang kontrata ang naglalarawan ng proyekto nang detalyado at malinaw. Nagsisilbi din itong katibayan para sa mga partido na kasali sa proyekto na gagawin. Siguraduhin na tingnan mabuti ang nilalaman ng kontrata upang hindi magkaroon ng hindi pagkakaintindihan sa proseso ng pagpapatayo. Huwag kalimutan na ang kontrata ay pwedeng mababago kung nais mong gumawa ng pagbabago sa proyekto sa susunod.